Лъытэныгъэ зыфэтшӏырэ ныбджэгъухэр!
Чъэпыогъум (Октябрэм) и 18-20-рэ мафэхэм 2019-рэ илъэсым Дюзджэ университетымрэ (Тыркуер) Адыгэ къэралыгъо университетымрэ (Урысыер, Республикэу Адыгея) шъукъырагъэблагъэ.
Шъухэлэжьэнэу Адыгэ шӏэныгъэмрэ ыкӏи культурэмрэ я Дунэе Фестивалэу «Непэрэ адыгэм идунай» зыфиӏоу Дюзджэ университетым щызэхащэрэм.
Мы Фестивалыр къызэӏотэхы Шӏэныгъэ Симпозиумэу: АДЫГЭ ФИЛОЛОГИЕР–II зыфиӏорэмкӏэ.
Шӏэныгъэӏуатэу къыубытхэрэр: бзэр, тарихъыр, литературэр, фольклорыр. Симпозиумыр бзиплӏыкӏэ рекӏокӏыщт- тыркубзэр, адыгабзэр, урысыбзэр, инджылызыбзэр.
Симпозиумым къыхэлэжьэнэу фаехэм Сентября и 15-м шӏомыкӏэу яшӏоигъоныгъэ тагъашӏэ мыщ фэдэу: Цӏэмрэ лъэкъуацӏэмрэ, Хэкоу зыщыщыр, Шӏэныгъацӏэу иӏэр, Зыщылажьэрэр, Къызтегущыӏэ шӏоигъор (бзитӏукӏэ: тырку-инджылыз; урыс-инджылыз; адыгэ-инджылыз), Телефоныр, электроннэ почтэр.
Къедгъэблагъэхэрэм ятӏонэрэу къэбар ядгъэӏущт.
Симпозиумым къыкӏэкӏощт тхылъыр дгъэхьазэрыным пае статьяр хьазырэу электроннэ почтэмкӏэ Сентября и 20-м шӏомыкӏэу къытӏукӏэн фае. Ащ иинагъэр 0,7 п.л.( нэкӏубгъо 17-18, тхылъыпӏэ форматыр А-4, сатырмэ азфагу 1,5 – Word 2013-Times New Roman, кегель 14).
Библиографиер ыкӏэкӏэ алфавитым тетэу, статья кӏоцӏым: «еплъ»,- зыфиӏорэм мыщ фэдэ тамыгъэхэмкӏэ къыхэщэу [1,25]. Пшъэдэкӏыжь шӏэныгъэ комитетым пхырыкӏыщт пхырымыкӏыщтыр рихъухьанэу фитныгъэ иӏ.
Укъызэрэднэсыщт шӏыкӏэхэр: af20xx@bzexase.org
Урысыбзэ-адыгабзэкӏэ: Проф. Хьакӏэмыз Мир
E-mail: mira1406@mail.ru Prof.Dr. Khachemizova Mira, Fen Edebiyat Fakültesi, Faks +90 380 542 1121
Тыркубзэкӏэ: Dr. Öğr. Üyesi Fehmi Altın
E-mail: fehmialtin@duzce.edu.tr, Fen Edebiyat Fakültesi, Faks +90 380 542 1121
Инджылызыбзэкӏэ: Dr.Öğr.Üyesi Yusuf Şen
E-mail: yusufsen@duzce.edu.tr